Adam lay ybounden Anon. early 15th Century
Adam lay ibounden,
Bounden in a bond;
Foure thousand winter
Thought he not too long
And all was for an apple,
An apple that he tok,
As clerkes finden
Wreten in here book.
Ne hadde the apple take ben,
The apple taken ben,
Ne hadde never our Lady
A-ben Hevene Quen.
Blissed be the time
That apple take was!
Therefore we moun singen
Lullay my liking Anon. 15th Century
Lullay, my liking, my dere son, my sweting.
Lullay, my dere herte, my owen dere derling.
I saw a fair maydyn
Sitten and sing:
She lulled a little child,
A swete lording.
That eche Lord is that
That made alle thinge:
Of alle lordes he is Lord,
Of alle kinges Kyng.
Ther was mekil melody
At that childes berth:
Alle tho wern in hevene blis
They made mekil merth.
Aungele bright, they song that night
And seiden to that child:
“Blissed be thou, and so be she
That is bothe mek and mild”.
Prey we now to that child,
And to his moder dere,
Graunt hem his blissing
That now maken chere.
Sir Christemas Anon. 15th Century
Good day, good day,
My lord, Sir Christemasse, good day!
Good day, Sire Christemasse our King,
For every man both olde and yinge
Is glad and blithe of your cominge:
Godis sone, so moche of might,
Fram Heven to erthe down is light,
And borne if of a maide so bright:
Heven and erthe and also helle,
And alle that ever in hem dwelle,
Of your cominge they beth full snelle:
Of your cominge this clerkes finde
Ye come to save all mankinde,
And of here bales hem unbinde:
Alle manner of merthes we wole make,
And solas to oure hertes take,
My seemly lorde, for your sake: