Adam lay ybounden    Anon. early 15th Century


Adam lay ibounden,

  Bounden in a bond;

Foure thousand winter

  Thought he not too long


And all was for an apple,

  An apple that he tok,

As clerkes finden

  Wreten in here book.


Ne hadde the apple take ben,

  The apple taken ben,

Ne hadde never our Lady

  A-ben Hevene Quen.


Blissed be the time

  That apple take was!

Therefore we moun singen

  Deo Gracias!